Juventusi i ka dhënë lajmin e hidhur Barcelonës, pasi nuk planifikojnë ta shesin në këtë afat Federico Bernardeschin.
Drejtori sportiv i Zonjës së Vjetër, Fabio Paratici ka thënë se është normale që klubet e tjera i duan lojtarët e tyre.
“Juventusi ka një skuadër të mrekullueshme. Është normale që klubet e tjera i duan lojtarët tanë”, ka thënë ai në një intervistë për Sky Sport Italia.
“Por, në këtë rast, nuk janë duke u zhvilluar bisedime. As me Barcelonën, as me Real Madridi. Ne do të vazhdojmë me këtë skuadër”, ka thënë tutje Paratici.
Në mediat italiane ishte raportuar se torinezët po planifikojnë ta shkëmbejnë Bernardeschin me Ivan Rakiticin, por një gjë e tillë është mohuar nga drejtori sportiv i kampionit në fuqi të Serie A-s.
Juventusi deri më tani e ka transferuar Dejan Kulusevskin, por që e ka lënë në formë huazimi te Parma deri në fund të sezonit, derisa duket se nuk do të bëjnë më transferime. /Telegrafi/