Medhi Benatia është bërë lider i ri në mbrojtjen e Juventusit.
Mbrojtësi maroken së fundmi ka qenë hero për kampionin aktual të Italisë në fitore 1-0 ndaj Romës.
Reprezentuesi i Marokut shënoi golin e vetëm dhe pati një paraqitje të jashtëzakonshme në repartin defensivë.
Së fundmi mediat italiane kanë raportuar se Arsenali ka dërguar një ofertë për transferimin e Benatias.
‘Topçinjtë’ kanë ofruar 40 milionë euro në drejtim të ‘Zonjës së Vjetër’, e cila e ka refuzuar këtë ofertë.
Bardhezinjtë i kanë bërë me dije klubit londinez se Benatia nuk largohet nga Torino për asnjë çmim.
Marokeni iu bashkua ‘Zonjës së Vjetër’ nga kampionët e Gjermanisë, Bayern Munich për një shumë rreth 20 milionë euro.
Ai më parë ka luajtur edhe për Udinesen dhe Romën në kampionatin italian. /Telegrafi/