Raportet në Angli sugjerojnë se Juventusi ka pranuar ofertën e West Ham Unitedit prej 28 milionë euro për Simone Zazan.
U konfirmua gjatë ditës se ‘Çekanët’ janë në bisedime për të nënshkruar me sulmuesin italian, me menaxherin e përgjithshëm të Juventusit, Giuseppe Marotta që besoi se një marrëveshje është afër.
Sipas Guardian, klubi nga Torino kanë pranuar një ofertë prej 24 milionë funte apo 28 milion euro nga skuadra e Ligës Premier, transferim ky që do të jetë një rekord i klubit të West Hamit, transmeton Telegrafi.
Agjenti i Zazas thuhet të jetë në bisedime për ta finalizuar një kontratë, por kjo nuk pritet se do të ketë ndonjë vështirësi për të rënë dakord në një marrëveshje.
Nëse transferimi shkon deri në fund, kjo do të përbënte një fitim të shpejtë për ‘Zonjën e Vjetër’, me Zazan që u bashkua nga Sassuolo verën e kaluar për 18 milionë euro. /Telegrafi/