Mesfushori i Manchester Unitedit, Paul Pogba, mund të mos e kthehet në Torino te Juventusi.
Francezi duket se nuk është më i lumtur te Manchester United dhe ka vendosur që të largohet në fund të këtij sezoni nga Old Trafford.
Dy klubet e mëdha evropiane, Juventusi dhe Real Madridi kanë qenë skuadrat më të interesuara për shërbimet e francezit.
Megjithatë, deri më tani më shumë është përfolur një rikthim te klubi nga Torino, sesa ai nga Santiago Bernabeu.
Sipas gazetës italiane Tuttosport, ndërsa e ardhmja e Pogbas në United duket se ka mbaruar, një rikthim te Juventusi nuk është edhe afër.
Juve do të dëshironte të ri-nënshkruanin mesfushorin, por ata janë të vetëdijshëm se ai do të jetë shumë i shtrenjtë, ndërsa Zinedine Zidane është i gatshëm të bëjë gjithçka për ta joshur atë të transferohet te Reali. /Telegrafi/