Juventusi është klubi i fundit që interesohet për mesfushorin e Arsenalit, Aaron Ramsey.
Mesfushori uellsian do të jetë i lirë në verën e vitit 2019 pasi ka të mbetur më pak se një vit në kontratën e tij me Topçinjtë.
Bisedimet për rinovimin e kontratës nuk kanë shkuar mirë dhe lojtari pritet të largohet nga Emirates.
Situata e tij me klubin londinez ka bërë që shumë skuadra të vihen pas tij, ku ndër më të interesuarat janë Liverpooli, Chelsea dhe Manchester Unitedi.
Megjithatë, tani garës i është shtuar edhe gjiganti italian, Juventusi, skuadër kjo që mendon të nënshkruaj para-kontratë me të dhe ta transferoj falas në verë.
Sipas mediumit britanik Daily Mail, Ramsey ka vendosur të largohet si lojtar i lirë në verë dhe kjo i jep një epërsi Juventusit për dallim nga rivalët anglezë.
Në rast largimi si lojtarë i lirë, Ramsey do të kërkojnë paku së paku 250 mijë funte në javë, pagë e cila vështirë se mund të plotësohet nga italianët.
Juventusi ka fituar shtatë herë radhazi titullin në Serie A, këtë sezon janë gjashtë pikë larg vendin të dytë në renditje, ndërsa trajneri Massimiliano Allegri njihet si tifoz i madh i 27-vjeçarit Ramsey. /Telegrafi/