Juventusi ka refuzuar një ofertë prej 100 milionë eurosh për Gonzalo Higuain nga Chelsea i Antonio Contes.
Bardhezinjtë shpenzuan një vit më parë plot 90 milionë euro për të aktivizuar klauzolën e lirimit në kontratën e Hiaguait nga rivalët e Serie A, Napolit.
Sipas gazetës Tuttosport, Juventusi ka marrë një propozim në vlerë prej 100 milionë eurosh nga Chelsea këtë verë për “El Pipitan”, i cili në dhjetor i mbush 30 vjet dhe është nën kontratë deri në qershor të 2021.
Në 2015-16 në Napoli, argjentinasi theu rekordin e të gjitha kohërave në Serie A duke shënuar 36 gola në një sezon të vetëm.
Në sezonin e fundit, Higuain kishte 24 gola në Serie A, plus tre në Kupën e Italisë dhe pesë në Ligën e Kampionëve.
Chelsea dëshiron një yll të madh si emër të qendrës së sulmit të tyre pas dështimit për transferimin e Romelu Lukakut, i cili u bashkua me Manchester Unitedin. /Telegrafi/