Juventusi dëshiron të transferojë Gabriel Jesusin nga Manchester City në afatin kalimtar të kësaj vere.
Drejtori sportiv i Zonjës së Vjetër, Fabio Paratici thuhet se po punon personalisht për të kompletuar transferimin e sulmuesit brazilian me të përfunduar ky sezon.
Sipas Calciomercatos, drejtori italian është i impresionuar nga paraqitjet e Jesus dhe dëshiron t’i marrë shërbimet e tij në këtë verë.
Mediumi italian bën të ditur se kampioni i Serie A-s ka dërguar dy herë zbuluesit e lojtarëve brenda gjashtë muajsh për ta shikuar lojën e brazilianit nga afër.
Mendohet se edhe Barcelona është në garë për të, e që Juventusi dëshiron që sa më shpejtë të mbyll transferimin e tij.
22-vjeçari po kalon nëpër një formë fantastike në këtë sezon, e që këtë gjë e tregoi edhe në përballjen e parë të Ligës së Kampionëve ndaj Real Madridit ku fituan 2-1.
Jesus u transferua te Manchester City në janar të vitit 2017 nga Palmerias për 33 milionë euro, derisa kartoni i tij aktualisht vlen mbi 70 milionë. /Telegrafi/