Juventusi ka fituar në udhëtim te Atalanta me rezultat 3-1 ndeshjen e vlefshme për javën e 13-të në Serie A.
Pjesa e parë u karakterizua me dominim të vendasve, cilët krijuan më shumë raste dhe ishin shumë afër epërsisë.
Rasti më i mirë në këtë pjesë ishte ai i minutës së 18-të kur sulmuesi Musa Barrow ishte i pasaktë nga pika e bardhë duke goditur traversën.
Në pjesën e dytë u zhvillua lojë më e barabartë nga të dyja skuadrat, të cilat arritën të prodhojnë edhe gola.
Goli i parë në këtë pjesë erdhi në minutën e 56-të, kur Robin Gosens shfrytëzoi për mrekulli një asistim nga Barrow duke shënuar me kokë për 1-0.
Megjithatë, kampionët në fuqi arritën të kthehen në lojë dhe të shënojnë dy gola shpejt dhe një në fund për të fituar ndeshjen.
Gonzalo Higuain ishte heroi i Bianconerëve duke shënuar në minutën e 74-të për 1-1, në minutën e 82-të për 2-1, ndërsa Paulo Dybala (90+) shënoi për rezultatin përfundimtar 3-1.
Me këtë fitore, Juventusi e sheh veten në pozitën e parë me 35 pikë, ndërsa Atalanta e gjashta me 22 pikë.
Në ndeshjen e radhës, Bianconerët e presin Sassuolon, ndërsa Atalanta udhëton te Brescia. /Telegrafi/
🏆 Atalanta vs Juventus | Gosens (GOAL!!!!) 56' pic.twitter.com/sv7Z7dkG4h
— D9INE (@D9INE_Juventus) November 23, 2019
Higuaín ☄️Atalanta 1 Juventus 1 pic.twitter.com/CiooHpmHpz
— Verkummert (@verkummert) November 23, 2019
Higuaín☄️☄️ Atalanta 1 Juventus 2 pic.twitter.com/0oNKN8Hcsi
— Verkummert (@verkummert) November 23, 2019
DYBALA GOL
pic.twitter.com/RfEUMOYEvM— Juvefc Gifs & Videos (@juvefcgifs) November 23, 2019