Mesfushori i Real Madridit, Casemiro dhe ai i Napolit, Allan, kanë përfunduar në listën e dëshirave të Juventusit si zëvendësues të Blaise Matudit.
Matuidi duket se do të largohet nga Juventusi në fund të sezonit dhe gjigantët e Serie A tashmë kanë etiketuar pasuesit e mundshëm.
Bianconerët shpresojnë t’ia zgjasin lojtarin kontratën edhe një vit për të shitur atë për 15 milionë euro në verë dhe mos ta lejojnë të largohet falas.
Sipas mediumit italian Calciomercato, Zonja e Vjetër ka etiketuar dy emra të njohur për mesfushën e tyre, ku njëri vjen nga La Liga dhe tjetri nga Serie A.
Gjigantët italianë duan që ylli i Real Madridit, Casemiro ose ai i Napolit, Allan, të zënë vendin e Matuidit.
Transferimi i Casemiros do të ishte shumë i vështirë pasi është shumë i vlefshëm për Realin.
Në anën tjetër për Allanin do të ishte më lehtë te negociohet, pasi Napoli kërkon rreth 50-60 milionë euro për të. /Telegrafi/
