Sipas gazetës italiane Tuttosport, Juventusi shpreson që të mposhtë konkurrencën e dy klubeve nga Premier League, që janë interesuar për të siguruar nënshkrimin me mesfushorin holandez Teun Koopmeiners.
‘Zonja e Vjetër’ i ka ofruar holandezit një rol kyç në ekip si dhe mundësinë për të luajtur në Kupën e Botës për Klube vitin e ardhshëm.
Koopmeiners ka zbuluar se ai i ka kërkuar Atalantas që ta shesë atë në fund të sezonit, duke konfirmuar interesimin e Juventusit dhe klubeve nga Premier League.
Në mesin e klubeve të interesuara për shërbimet e holandezit është edhe Liverpooli, por gjithashtu edhe Manchester United dhe Tottenham janë të etur për të arritur një marrëveshje me të.
Interesimi nga këto tri klube nuk është domosdoshmërisht një lajm i keq për Juventusin, pasi asnjëra nga këto nuk do të luajë në Kupën e Botës për Klube në 2025, në krahasim me ‘Bianconerët’.
Vitin e ardhshëm, Manchester City dhe Chelsea do të përfaqësojnë Premier Leaguen në Shtetet e Bashkuara të Amerikës, dy klube që nuk janë të interesuara për yllin e Atalantas.
Në të njëjtën kohë, Juventusi do t’i ofrojë atij një rol kyç në skuadër, ndërsa në Angli mesfushori holandez do të kishte konkurrencë më të ashpër.
Çmimi që Atalanta po kërkon për të liruar Koopmeiners është rreth 60 milionë euro./Telegrafi/