Trajneri i Liverpoolit, Jurgen Klopp, ka lavdëruar Arsenalin, por shpreson që skuadra e tij të shënojë fitore në “Anfield” në derbin e xhiros së 12-të të Ligës Premier.
Sipas trajnerit gjerman, Arsenali ka pasur fat në disa ndeshje, por e ka ditur se do të ngjitet.
“Ne kemi qenë në krizë javët e fundit. Kjo është arsyeja pse jemi në këtë situatë. Ne humbëm nga West Ham, por edhe nëse fitonim një pikë asgjë nuk do të kishte ndryshuar”.
“Ne e dimë se duhet të luajmë më mirë dhe të luftojmë. Arsenali është një ekip shumë i mirë, por ne do të luajmë në Anfield. Nuk kishte asnjë mundësi që Arsenali të qëndronte aty ku ishte në fillim të sezonit”.
“Ishte e qartë se do të ktheheshin. Ata arritën disa rezultate të mahnitshme. Ata janë të mirë, por edhe ata e dinë se ishin me fat në disa ndeshje”.
“Ne nuk jemi të befasuar, por duhet të sigurohemi që njerëzit të dinë që edhe ne jemi të mirë”, ka thënë Klopp. /Telegrafi/