Jurgen Klopp këmbëngul se Liverpooli dhe Mohamed Salah janë në rrugën e duhur që të gjejnë një marrëveshje, pasi negociatat për kontratën ende vazhdojnë.
Salah ka 18 muaj të mbetur në kontratën e tij, dhe bisedimet për të ardhmen e tij në Liverpool ka fituar vëmendje këtë javë pasi ai mori pjesë në një intervistë me GQ dhe e bëri të qartë se nuk po kërkon ‘çmenduri’ nga klubi.
E ardhmja e 29-vjeçarit te Liverpool ka qenë në qendër të vëmendjes për pjesën më të madhe të sezonit, me Klopp që u pyet për situatën të mërkurën.
“Nuk ka asgjë që është e papritur. Unë e di që Mo dëshiron të qëndrojë. Ne duam që Mo të qëndrojë. Këtu jemi. Duhet kohë”.
“Unë mendoj se është në një vend të mirë. Unë jam shumë pozitiv për këtë. Fansat nuk janë aq nervozë sa ju [mediat]”.
“Ata e njohin klubin dhe i njohin njerëzit që merren me këto gjëra”, ka thënë ”, Klopp gjatë konferencës për shtyp të së mërkurës.
Jürgen Klopp was asked about Mo Salah’s future during today's press conference:
— Liverpool FC (@LFC) January 12, 2022
Salah është golashënuesi më i mirë i Ligës Premier këtë sezon, me 20 gola. /Telegrafi/