Loja e Atletico Madridit kundër Real Madridit në ndeshjen e parë gjysmëfinale të Ligës së Kampionëve ta kujton Arsenalin – ka thënë ish-mesfushori i Lyonit, Juninho Pernambucano.
Me het-trikun e Cristiano Ronaldos në Santiago Bernabeu, Los Blancos janë shumë afër që ta eliminojnë rivalin e tyre lokal në gjysmëfinale, pas triumfeve në finalet e viteve 2014 dhe 2016.
Atletico dështoi ta tregonte lojën e vet fizike dhe Juninho e ka shprehur zhgënjimin e tij me Diego Simeonen dhe skuadrën e tij, të cilën e ka krahasuar me Topçinjtë.
“Për herë të parë, një Atletico që i mungon agresiviteti – jo luftëtarë të vërtetë. Në këtë nivel, është e pafalshme… ma kujton Arsenalin”, ka shkruar braziliani në Twitter.
Postimi i tij ka nxitur reagime të shumta në rrjetet sociale, përdoruesit e të cilëve kanë bërë po ashtu shaka në adresë të Arsenalit. /Telegrafi/
Pour la première fois, un Atletico qui manque d'agressivité, pas de vrais guerrier. À cette niveau la, ça pardonne pas…ça rappelle Arsenal
— Juninho Pernambucano (@Juninhope08) May 2, 2017
