Barcelona mund të përfundojë një transferim përpara afatit të janarit, pasi ata po kërkojnë mbrojtësin e LA Galaxy, Julian Araujo.
Xavi ka deklaruar më parë se është i lumtur me skuadrën aktuale, në kontekstin e ardhjeve në janar, pavarësisht se humbi Memphis Depay në Atletico Madrid dhe Ousmane Dembelen për shkak të lëndimit.
Megjithatë, ish-reprezentuesi spanjoll po kërkon të sigurojë opsione në krahun e majtë të mbrojtjes, si në afat të shkurtër ashtu edhe në atë afatgjatë, në Camp Nou.
Hector Bellerin dhe Jordi Alba mund të jenë në largim këtë verë dhe meksikani Araujo do të sfidonte Alejandro Balden si pasardhësin e Albas në krahun e majtë.
Sipas raportimeve nga Relevo, Barcelona po shtyn të sigurojë një marrëveshje huazimi deri në fund të sezonit, për 21-vjeçarin, me një klauzolë blerjeje verore të përfshirë.
Araujo është vendosur të regjistrohet si një lojtar i ekipit B, për të shmangur problemet në lidhje me kontratën e tij si lojtar i ekipit të parë. /Telegrafi/
