Yllit të kombëtares, Elseid Hysajt, iu bë një kryqëzim në rrjet pas gjestit që bëri në ndeshjen e parë me Italinë.
U bënë reagime të shumta në lidhje me këtë, por pati nga ata edhe që e mbështetën.
Aktori dhe ish-banori i Big Brother VIP Albania 3, Julian Deda, ka shprehur përkrahje për Hysajn.
Ai thekson se askush nuk mund t’ia hedhë poshtë kontributin që ka dhënë për kombëtaren.
“Ec përpara Elseid Hysaj, askush nuk mund të ta hedh poshtë kontributin që ke dhënë dhe po jep për kombëtaren”, u shpreh ai.
Futbollisti i famshëm po ashtu përmes rrjeteve sociale u ka kërkuar falje të gjithëve për gabimin e bërë.
“Nga ana tjetër falënderoj përzemërsisht të gjithë tifozët e panumërt që më kanë dërguar mesazhe konfortimi në forma të ndryshme. I pranoj me vetëdije kritikat dhe keqardhjen e tifozëve anë e mbarë të cilët pa përjashtim i mbaj në zemër”, tha ai ndër të tjera. /Telegrafi/
