Anthony Joshua e ka paralajmëruar Tyson Furyn dhe Deontay Wilderin për vitin e ardhshëm.
Boksieri anglez u ka bërë me dije dy kundërshtarëve të tij se vitin tjetër do të jetë më i vështirë për tu mposhtur.
Joshua është kampion në fuqi i peshave të rënda, gjersa ende nuk është përballur me Wilderin.
“Sa më gjatë që Wilder dhe Fury nuk përballen me mua, aq më të vështirë do ta kenë”, tha fillimisht kampioni i botës në boks për BBC Radio.
“Unë nuk jam luftëtari i para dy vitesh. Më jepni një apo dy vite dhe do të zhvillohem edhe më shumë.
“Ata do ta kenë shumë të vështirë të më mposhtin vitin e ardhshëm, pasi gabimet që bëra ndaj Wladimir Klitschko, nuk i bëjë më.”, ka shtuar më tej Joshua. /Telegrafi/
