Anthony Joshua ka reaguar në rrjetet sociale pas humbjes ndaj Andy Ruiz Jr duke e uruar boksierin meksikan.
Boksieri britanik e ka pësuar humbjen e parë në karrierë dhe atë duke u rrëzuar katër herë nga kundërshtari i tij, Ruiz Jr, i cili fitoi në raundin e shtatë me nokaut teknik.
Ruiz Jr me këtë fitore arriti të unifikojë titujt e peshave të rënda në IBF, WBA dhe WBO, duke ardhur në këtë duel si zëvendësues, pasi Jarrell Miller doli pozitiv në testet anti-doping dhe u suspendua.
Pas humbjes, Joshua foli fjalë të mëdha për meksikanin duke e cilësuar si boksier të mirë dhe kundërshtar të fortë dhe korrekt.
Ndërsa, tani ka shfrytëzuar edhe rrjetet sociale për t’ia uruar fitoren Ruiz Jr.
“Kjo është nata e Andyt, urime kampion”, ka shkruar Joshua në profilin e tij në Facebook.
Ndryshe, Andy Ruiz Jr. është kampioni i ri botëror i peshave të rënda dhe meksikani i parë që shpallet kampion bote në këtë kategori. /Telegrafi/
