Joshua Kimmich mendon se David Alaba ka bërë lëvizjen e duhur në karrierë, pasi sipas tij do të kalojë te Real Madridi.
Shumë media kishin raportuar që në janar se austriaku do të bashkohej me Real Madridin, sapo kontrata e tij me Bayern Munich do të përfundojë në qershor.
Tani ku ka mbetur vetëm konfirmimi zyrtar i nevojshëm për transferim, Kimmich është i kënaqur që shoku i tij i skuadrës është transferuar në një tjetër nga klubet më të mëdha të Evropës.
“Ai i ka fituar të gjitha këtu. Unë do të thoja që Real Madrid është, pa asnjë dyshim, një klub i respektuar”.
“Nuk ka shumë vende ku mund të shkosh pas Bayern Munchen , por Real Madrid nuk është aspak i keq”, ka thënë Kimmich.
Alaba ka rënë dakord për një kontratë katër-vjeçare në Real Madridin, e cila vlen 11 milionë euro në sezon.
Dy mbrojtësit qendrorë të Real Madridit, Raphael Varane dhe Sergio Ramos, mund të largohen në verë. /Telegrafi/