Ka raporte në rritje për emërimin e Jose Mourinhos si trajner i Portugezit dhe agjenti Jorge Mendes thuhet se ka hapur bisedimet me Federatën Portugeze të enjten.
Portugezët kanë shkarkuar trajnerin Fernando Santos, i cili arriti në çerekfinale të Kupës së Botës në Katar dhe sipas disa raporteve, Mourinho është kandidati kryesor për ta zëvendësuar.
Sipas Il Corriere Dello Sport, agjenti i Special One, Jorge Mendes zhvilloi të enjten një takim të parë me Presidentin e Federatës Portugeze, Fernando Gomes, duke diskutuar për pagën e mundshme të klientit të tij.
👀 Ieri vertice #Portogallo–#Mourinho
I dettagli 👇#CorrieredelloSport #Mou #Portugal #CristianoRonaldo#AsRoma https://t.co/ImHqgYKdAD— Corriere dello Sport (@CorSport) December 16, 2022
Megjithatë, sipas raportit, qëndrimi te Roma mbetet prioriteti i Mourinhos, pas kontrata e tij në Stadio Olimpico skadon në qershor 2024.
Ndërkohë, trajneri portugez ka mbërritur dje në Portugali së bashku me skuadrën e tij.
Roma do të përgatitet për pjesën e dytë të sezonit në vendlindjen e Mourinhos dhe sot në orën 20:00 do të përballet me Cadizin në një ndeshje miqësore në Estadio Municipal of Albufeira. /Telegrafi/