Johnny Depp ka mohuar të jetë një njeri i dhunshëm dhe tha se reagimi ndaj akuzave të abuzimit të ish-gruas u kthye në një përrallë të vërtetë.
Në intervistën e tij të parë lidhur me martesën e tij “të paqëndrueshme” me Amber Heard, aktori i tha revistës GQ se tri viteve të fundit ka ndjerë një situatë të çoroditur në lidhjen e tij.
Amber Heard pretendonte se Depp e kishte sulmuar dhunshëm në lagjen e saj të Los Anxhelosit, gjë të cilën ai e mohoi kategorikisht më vonë, shkruan DailyMail, transmeton Telegrafi.
Gjithashtu në intervistën për GQ, Johnny Depp akuzoi “nxitësit e fuqisë së Hollywoodit” që veprojnë kundër tij, dhe tha se është i gatshëm të heqë dorë nëse ajo që ai e quan një komplot kundër tij, vazhdon.
Por ai këmbënguli se në fund të fundit do të dalë e vërteta dhe reputacioni i tij si hero i Hollywoodit do të rivendoset.
Depp dhe aktorja 32-vjeçare Heard u divorcuan në janar të vitit 2017 pasi ajo aplikoi për urdhër-ndalimin e dhunës në familje vitin e kaluar.
Ajo pretendoi se çifti kishte një përplasje fizike dhe ai e gjuajti atë në fytyrë me iPhone-in e tij.
Duke shpjeguar anën e tij të tregimit për herë të parë, Depp i tha GQ: “Kjo dhemb. Gjëja që më lëndon është fakti që ju jeni me të vërtetë larg të së vërtetës. Të dëmtoni dikë që e doni? Jo, jo, as nuk mund të tingëllojë si unë ai person”.
Ylli i filmit “Piratët e Karaibeve” tha se ndjeu që reputacioni i tij u rrënua, pasi martesa e tij e dështuar u bë gjithnjë e më publike.
Pas divorcit prej 5.5 milionë dollarësh, Depp u padit nga menaxherët e tij për 18 milionë dollarë për një hua të papaguar.
Ai u padit edhe nga ish-avokati i tij, i cili pretendonte se nuk kishte paguar faturat ligjore dhe, së fundi, nga një anëtar i ekuipazhit të filmit të tij ende të publikuar, “City Of Lies”, i cili e akuzoi atë për të njëjtat akuza si menaxhmenti.
“Paratë e shumta po harxhoheshin”, tha 55-vjeçari. “Njerëz që më padisin në çdo rast. Dua të them, është shumë e qartë”.
Por Depp këmbënguli se reputacioni i tij do të rivendoset një ditë: “Në fund të fundit, e vërteta do të dalë në gjithë këtë mes dhe unë do të qëndroj në anën e djathtë të pragjeve të zhurmshme”, tha ai. /Telegrafi/
