Ndihmësi i Aston Villas, njërit legjenda e Chelseat, John Terry, ka krahasuar mesfushorin Jack Grealish me anësorin sulmues të Real Madridit, Eden Hazard.
Grealish është lidhur me një transferim të madh të verës te Manchester Unitedi, pas një sezoni të shkëlqyer me Aston Villa.
Terry luajti përkrah Hazard dhe Joe Cole për shumë vite te Chelsea, dhe ai sheh ngjashmëri të madhe me 24-vjeçarin Grealish.
“Unë mendoj se ai është i ngjashëm me Joe Cole dhe Eden Hazard”, ka thënë fillimisht Terry për Grealish gjatë një interviste në faqen zyrtare të Villas.
“Thjesht mendoj aftësinë natyrore që ai ka dhe që Joe Cole kishte, një talent i dhënë nga perëndia që jo shumë njerëz janë të bekuar me të, por ai me siguri e ka”.
“Mënyra se si lëviz qetë. Është i shpejtë, por jo shumë njerëz e dinë atë. Unë nuk mendoj se ai e di se sa shpejt është”.
“Ai është një talent i jashtëzakonshëm, ai fitonte shumë ndërhyrje në Championship dhe tani në Ligën Premier. Njerëzit nuk dinë ta ndalojnë atë”, përfundoi anglezi. /Telegrafi/