Bernardo Silva ka dy vite që lidhet me një kalim te Barcelona, por transferimi i portugezit në Camp Nou ende nuk është finalizuar.
Mesfushori ofensivë i Manchester Cityt vazhdon të mbetet një objektiv i katalunasve, por problemet financiare nuk po e lejojnë Barçën të transferojë atë.
Ka qenë presidenti i Barcelonës, Joan Laporta që ka folur për interesimin e Silvas, duke thënë se ai është një top lojtarë dhe do ta donin në Camp Nou.
Laporta gjithashtu ka konfirmuar se Bernardo Silva në vitin 2015 ishte shumë pranë kalimit te Barcelona.
“Bernardo Silva? Do të shohim se si do të reagojë La Liga ndaj planit tonë të qëndrueshmërisë. Në vitin 2015, Bernardo te Barça ishte pothuajse një punë e përfunduar… Unë isha në Portugali me agjentin e tij”.
“Ai është një top, top lojtar, por ai është lojtar i Manchester City. Tani nuk kam se çfarë të them më shumë”, ka deklaruar Laporta.
Vet reprezentuesi portugez ka shprehur hapur dëshirën për t’iu bashkuar Barcelonës, por mbetet të shihet nëse në verë katalunasit do t’ia dalin të nënshkruajnë me të. /Telegrafi/