Tashmë është zyrtare se Joachim Low do të jap dorëheqje nga posti i selektorit të Gjermanisë pas Kampionatit Evropian.
Trajneri gjerman drejtoi Die Manschaft drejt fitimit të Kupës së Botës në vitin 2014, mirëpo tani mendon që të marrë drejtimin e një skuadre.
Në lidhje me dorëheqjen e Low, Jurgen Klopp është pyetur nëse mund të marrë timonin e kombëtares gjermane.
Strategu aktual i Liverpoolit ka qenë shumë i drejtpërdrejt, duke sqaruar se ai nuk është në dispozicion të sfidojë vetën në atë nivel garash.
“Ju duhet ta bëni pyetjen më ndryshe. A do të jem në dispozicion për punën ( trajnerit) te Gjermania? Jo!”, ka thënë Klopp.
“Joachim Low ka bërë një punë të mrekullueshme dhe është një trajner i suksesshëm. Unë e kuptoj që pas kampionatit ai do të kërkojë një rrugë të re”.
“Punën e tij mund të bëjë dikush tjetër dhe shpresoj që të bëjë atë çfarë ka bërë Low”, ka përfunduar trajneri gjerman.
Klopp mund të largohet nga Liverpooli, pasi aktualisht kampioni në fuqi po lufton për një vend në Ligën e Kampionëve dhe gjermani mund të shkarkohet. /Telegrafi/