Pas Mario Mandzukic të Juventusit, tani është raportuar se Manchester Unitedi po shikon edhe sulmuesin e Milanit, Krzysztof Piatek, për në afatin e janarit.
Historia duket se ka filluar në mediumin Daily Telegraph dhe po përhapet me shpejtësi në Itali dhe Angli.
Reprezentuesi i Polonisë, Piatek është vetëm 24 vjeç dhe bëri një fillim mahnitës në Serie A me Genoan, duke shënuar 19 gola në 21 ndeshje midis Serisë A dhe Coppa Italia.
Kjo formë i fitoi atij një transferim prej 35 milionë euro te Milani pas vetëm gjashtë muajsh dhe shënimi i golave vazhdoi deri në një shkallë, duke e gjetur rrjetën 11 herë në 21 ndeshje.
Sidoqoftë, këtë sezon ai ka luftuar për të gjetur golin, duke shënuar dy penallti në shtatë ndeshje të Serie A dhe duke i humbur disa shanse të pastra.
Çështja kryesore duket se është roli i tij si një sulmues i pastër, ndërsa trajneri Marco Giampaolo donte një sulmues i cili bashkëpunon më shumë me ekipin në lojën ndërtuese.
Giampaolo u pushua nga puna pas vetëm shtatë ndeshjeve dhe Stefano Pioli u soll si zëvendësim i tij, por është e mundur që Milani do të dëshirojë të fitojë para nga Piatek në janar.
Milani synon t’i fitojë 40-50 milionë euro nga polaku dhe ta bëjë talentin Rafael Leao zgjedhjen e parë të qendrës së sulmit të tyre.
Manchester United po shikon gjithnjë e më shumë në Serie A për përforcime, pasi tashmë raportohet të ketë një marrëveshje me Mandzukic, edhe pse Juventusi dëshiron 10 milionë euro për të shitur reprezentuesin e Kroacisë. /Telegrafi/
