Tashmë dihet se Lionel Messi në të ardhmen do të veshë fanellën e klubit amerikan, Inter Miami, por është zbuluar një histori jo aq e bukur për prapaskenat e këtij transferimi.
Pas largimit nga Paris Saint Germain si lojtar i lirë, Messi mbërriti në Florida ku së shpejti do të prezantohet zyrtarisht si lojtar i ri i Inter Miami.
Ngjarja është planifikuar të dielën në stadiumin DRV PNK në Miami. Stadiumi do të jetë tërësisht i mbushur, pasi tifozët e klubit por edhe ata neutralë janë mbledhur për të parë një nga futbollistët më të mirë të të gjitha kohërave. Megjithatë, jo gjithçka është aq e mrekullueshme në ekip.
Klubi në pronësi të David Beckham duhej të largonte një futbollist për të sjellë Messin. Në fund, zgjedhja i ra meksikanit Rodolfo Pizarro, i cili prej tre vitesh është anëtar i Inter Miami.
Kontrata e Pizarros dhe Miamit u ndërpre pasi sipas rregullave të MLS-së, vetëm tre lojtarë mund të kenë një pagë të lartë. Ky rregulli quhet “Lojtari i caktuar”.
Sipas rregullit të PD-së, tre futbollistë mund të kenë një pagë që tejkalon kufirin e sipërm maksimal. Deri në ardhjen e Messit, këta ishin Pizarro, kapiteni Gregore dhe Leonardo Campana. Njëri nga të tre duhej të largohej nga klubi dhe zgjedhja ishte Pizarro.
Sources on Rodolfo Pizarro. It looks like Pizarro and #InterMiamiCF have agreed on a mutual contract termination that will free up a DP spot for Lionel Messi.
Pizarro is then free to join a club outside of MLS. That club appears to be Greek side AEK. ⚽️🇲🇽 pic.twitter.com/lscEroRDQ0
— Manuel Veth (@ManuelVeth) July 12, 2023
Ishte e vështirë për kombëtaren e Meksikës, ndaj ai kritikoi këtë rregull të ligës MLS.
“Mendoj se është e vështirë, sepse kam një kontratë. Mendoj se është shumë e çuditshme, kjo është liga e vetme që ka këtë rregull”, ka thënë Pizarro i pakënaqur./Telegrafi/