Shefat e shtabeve zgjedhore të kandidatëve presidencial sot kishin takim me Komisioni Shtetëror Zgjedhor ku theksuan se presin zgjedhje korrekte dhe demokratike.
Shefi i shtabit zgjedhor të Gordana Siljanovska Davkovës, Igor Janushev, tha se nuk do të drejtoj mesazhe politike duke dëshiruar që të mbahen zgjedhje demokratike më 21 prill, përcjell Telegrafi Maqedoni.
“Qytetarët le të diktojnë personin e duhur për të cilin do të votojnë”, tha Janushev.
Florin Asani, i cili është shef shtabi i kandidatit Blerim Reka bëri apel që qytetarët të dalin masovikisht.
“Premtuam fushatë evropiane, dhe kështu ndodhi. S’kishte incidente, besoj se kështu do të jetë edhe me 21 prill. Ju bëj apel qytetarëve që në mënyrë masovike të dalin dhe të votojnë që zgjedhim kryetarin e Maqedonisë së Veriut”, tha Asani.
Aleksandar Kiracovski nga shtabi zgjedhor i Stevo Pendarovski falënderoi KShZ-në për mundësinë që ju ka dhënë që bashkërisht të dërgojnë mesazhe për zgjedhje të pastra.
“Ne jemi më përgjegjës si shumicë, por të gjitha partitë politike kanë përgjegjësi. Ju bëj thirrje të gjithëve të tregon pjekur të madhe demokratike që qytetarët lirshëm lirshëm ta shprehin vullnetin e tyre. Kishim fushatë që i ngjan parimeve evropiane. Këto s’janë vetëm zgjedhje për kryetar shteti por treguam se jemi të dinjitetshëm për integrime evropiane”, tha mes tjerash Kiracovski.
Kreu i KShZ-së, Oliver Derkoski vlerësoi se fushata deri tash ka shkuar në atmosferë të qetë./Telegrafi/