Dy skuadrat e Serie A janë të interesuara për të arritur një marrëveshje për sulmuesin e padëshiruar të Juventusit, Federico Chiesan.
26-vjeçari nuk është në planet e Thiago Mottas për sezonin 2024-25 dhe ish- sulmuesi i Fiorentinës u la jashtë skuadrës së ekipit të parë për miqësoren parasezonale të së shtunës kundër Brestit.
Thiago Motta më vonë konfirmoi se ai e kishte lënë Chiesan jashtë ‘për arsye transferimi’.
Media të shumta raportojnë se si Napoli edhe Interi mund t’i ofrojnë Chiesa një rrugë shpëtimi nga Juventusi.
Tuttosport dhe La Repubblica pretendojnë se Napoli mund të jetë i interesuar dhe se Juventusi gjithashtu mund të jetë i etur për një shkëmbim që përfshin sulmuesin aktual të tyre, Giacomo Raspadori.
Interi është gjithashtu i interesuar për një marrëveshje me kosto të ulët për Chiesa. Tuttosport sugjeron që skuadra e Simone Inzaghit është e përgatitur të presë që lojtari të vihet në dispozicion si lojtar i lirë verën e ardhshme, ndërsa La Reppublica pretendon se do të ishte gati të paraqesë një ofertë parash nëse largohen Marko Arnautovic dhe Joaquin Correa.
Mundësitë diku tjetër në Serie A mbeten të pakta. Roma kishte qenë e interesuar për një marrëveshje në fillim të kësaj vere, por më vonë ata e kthyen vëmendjen e tyre në drejtim të Matias Soule.
Daniele De Rossi ka në dispozicion edhe Paulo Dybalan, kështu që Chiesa nuk është më një prioritet për Romën. /Telegrafi/