Kanë përfunduar ndeshjet e të dielës mbrëma në Play-Offin e NBA.
Cleveland Cavaliers kësisoj ka arritur ta barazoj serinë në 2-2 me Indiana Pacers.
Si gjithmonë edhe këtë mbrëmje më i miri për Cavs ishte LeBron James.
Mbreti James pati paraqitje fantastije ku e mbylli takimin me 32 pikë 13 kërcime e shtatë asistime.
Me lojë të mirë u dallua edhe Kyle Korver që shënoi 18 pikë, ndërsa Jordan Clarkson dhe JR Smith kontribuan me nga 12 pikë.
Te Indiana qendra lituaneze Sabonis ishte më efikasi me 19 pikë ndërsa Turner dhe Oladipo shtuan nga 17 të tjera por që nuk mjaftuan për fitore.
Ndeshja e radhës zhvillohet në Cleveland.
Rezultatin në 2-2 e ka barazuar edhe Milwaukee Bucks përballë Boston Celtics pas triumfit 104-102 në sekondat e fundit.
Greku Giannis Antetokunpo me 27 pikë shtatë kërcime e pesë asistime ishte më i miri në këtë ndeshje.
Ndeshje të mirë zhvilloi edhe kapiteni i Bucks, Middleton që shtoi 23 pikë.
Takimi i pestë mes këtyre dy skuadrave do të zhvillohet në Boston.
Ndërkohë seria në 2-2 është barazuar edhe nga Washington Wizards.
Magjistarët arritën të triumfojnë në ndeshjen e dytë si vendas 106-98 ndaj Toronto Raptors.
Breadley Beal ishte më efikasi në këtë sfidë me 31 pikë e pesë kërcime.
Fundori John Wall ishte fantastik këtë mbrëmje me 27 pikë e 14 asistime.
Për Toronton DeMare DeRozan kishte një mbrëmje të mirë me 35 pikë e gjashtë asistime por që nuk mjaftuan për fitore. /Telegrafi/
Konferenca e Perëndimit:
San Antonio Spurs – Golden State Warriors 103 – 90 (1-3)
Konferenca e Lindjes:
Indiana Pacers – Cleveland Cavaliers 100 – 104 (2-2)
Washington Wizards – Toronto Raptors 106 – 98 (2-2)
Milwaukee Bucks – Boston Celtics 104-102 (2-2)
