Këngëtarja e njohur Mihrije Braha së shpejti do të sjellë për publikun projektin e saj më të ri muzikor, këngën dhe klipin “Jam nxanë”.
Në një prononcim për Telegrafin, këngëtarja Braha ka shpalosur detajet e këngës së saj më të re.
“Kënga ime e re titullohet “Jam nxanë”, është një këngë me tematikë verore, për muzikën dhe tekstin e së cilës është kujdesur DJ Cimi. Është një këngë ritmike, e cila shpresoj të pëlqehet nga publiku”, tha Mihrije Braha për Telegrafin.
Ndërkohë, këto ditë kanë përfunduar xhirimet e klipit, për të cilat këngëtarja dhe stafi që kanë realizuar klipin, kanë zgjedhur bregdetin e jugut të Shqipërisë.
“Xhirimet i përfunduam sot në bregdetin e bukur të Dhërmiut. Kemi xhiruar rreth tre ditë në skena të ndryshme. Regjisori Blerdi Malushi me produksionin e tij Maximus janë ata që po kujdesen për klipin. Jemi munduar të sjellim pamje të bukura dhe interesante të rivierës shqiptare” përfundoi këngëtarja Braha për Telegrafin.
Përderisa është një klip veror, Mihrije si çdo herë tjetër, nuk do të ngurojë të paraqitet mjaft seksi në klipin e ri.
Në disa fotografi ekskluzive të siguruara nga Telegrafi nga xhirimet e klipit, vërehet se këngëtarja do të shfaqet mjaft atraktive dhe në top formë në këtë klip, duke sfiduar edhe vitet.
Në vazhdim mund të njiheni me disa prej paraqitjeve të këngëtares në klipin e saj të ri “Jam nxanë”, i cili do të vijë për publikun së shpejti . /Telegrafi/
