Izraelitët publikojnë audio-incizimin e militantit të Hamasit: Baba, me duart e mia kam vrarë dhjetë hebrenj

Ministria e Jashtme e Izraelit ka publikuar audio-incizimin e bisedës së militantit të Hamasit dhe babait të tij, ku gjatë kësaj bisede militanti lavdërohet se ka vrarë dhjetë civilë.

“Baba, po të thërras nga kibuci izraelit. Hape WhatsApp-in, do të shohësh të vdekur. Shiko sa i kam vrarë me duart e mia”, dëgjohet duke thënë militanti i Hamasit, transmeton Telegrafi.

“Baba, biri yt ka vrarë hebrenj! Po të thërras nga telefoni i një hebreje! Sapo vrava atë dhe bashkëshortin e saj. Me duart e mia i kam vrarë dhjetë hebrenj! Hape WhatsApp-in dhe do të shohësh sa hebrenj kam vrarë”, i thotë ai babait të tij.

Lexo po ashtu Përplasje verbale mes kreut të diplomacisë izraelite dhe Sekretarit të Përgjithshëm të Kombeve të Bashkuara: Në cilën botë jetoni ju?

Ndryshe ushtria izraelite ka mbajtur mbrëmë një konferencë për media, ku prezantoi videot e gjetura nëpër kamerat e trupave të militantëve të Hamasit.

Aty shihen vrasjet e civilëve në festivalin ndërkombëtar të muzikës elektronike në jug të Izraelit. /Telegrafi/