Izraeli planifikon të testojë një sistem alarmi raketor më të avancuar në Kiev muajin e ardhshëm, sipas raporteve në mediat izraelite.
Sipas zyrtarëve të lartë të inteligjencës ukrainase dhe izraelite të cituar nga Walla, sistemi është zhvilluar posaçërisht për Ukrainën dhe në mënyrë ideale do të ishte funksional deri në verë në disa qytete në të gjithë vendin, transmeton Telegrafi.
Sistemi do të lidhet me sistemin ekzistues të radarit të Ukrainës dhe do të dërgojë alarme “më të shpejta dhe më të sakta” në telefonat celularë dhe do të aktivizojë alarmet në zonat që mund të goditen.
Zyrtarët izraelitë dhe ukrainas u takuan “disa herë” në Poloni “në muajt e fundit” për të diskutuar metodat e nevojshme për ta bërë sistemin të funksionojë në mënyrë efektive në Ukrainë.
Në fillim të shkurtit, ministri i mbrojtjes Oleksii Reznikov tha se Izraeli kishte premtuar t’i siguronte Ukrainës një sistem alarmi raketash dhe dronësh. /Telegrafi/