Kryetari i Maqedonisë pas mbledhjes së Këshillit Kombëtar të Sigurisë tha se në kufinjt e Maqedonisë ku gravitojnë refugjatët nga vendet e luftës ka ndodhur një aksident ndaj të cilit ka vepruar me maturi policia dhe ushtria, njofton Telegrafi Maqedoni.
”Republika jonë nuk është anëtare e BE-së, as anëtare e NATO-s e as nuk është në zonën Shengen dhe për këtë nuk mund të durojmë pasojat e politikës jo të barabartë të BE-së. Nuk mundet që shtetet e BE-së të qëndrojnë duarkryq dhe mos të kujdesen për emigrantët. E vetmja gjë që ne do të bëjmë është se nuk do të lejojmë shtim të numrit të emigrantëve në kufirin tonë.” tha Ivanov pas takimit të Këshillit Kombëtar të Sigurisë.
Në këtë mbledhje pjesmarrës ishte kryetari i VMRO-DPMNE-së Nikolla Gruevski, kryetari i LSDM-së Zoran Zaev dhe përfaqësuesit e BDI dhe PDSH, Talat Xhaferri dhe Imer Aliu./Telegrafi/