Italia ka fituar ndaj Bosnjë Hercegovinës me rezultat 1-0 në miqësoren e dytë para nisjes së Kampionatit Evropian, që do të zhvillohet në Gjermani.
Në ndeshjen e zhvilluar në “Castellani” të Empolit, goli i vetëm u shënua në pjesën e parë.
Në minutën e 38-të, Davide Frattesi realizoi një gol të bukur pas asistimit të Federico Chiesas për 1-0.
Frattesi with a lovely finish🔥
— F.C. InterData (@Fcinterdata) June 9, 2024
Gjatë pjesës së dytë të kaltrit patën disa mundësi të mira për të shënuar, ku vlen të përmendet gjuajtja e Gianluca Scamaccas në minutën e 73-të, e cila përfundoi në duart e portierit.
⏱️ 𝐑𝐈𝐒𝐔𝐋𝐓𝐀𝐓𝐎 𝐅𝐈𝐍𝐀𝐋𝐄
🇮🇹🇧🇦 #ItaliaBosnia 1️⃣-0⃣
38′ Frattesi#Nazionale #Azzurri #VivoAzzurro pic.twitter.com/1FKsb9BBKu— Nazionale Italiana ⭐️⭐️⭐️⭐️ (@Azzurri) June 9, 2024
Kjo ishte miqësoreja e dytë dhe e fundit e Azzurrëve para ndeshjes së parë të Euro 2024 kundër Shqipërisë në Euro 2024, pasi në të parën luajtën pa gola ndaj Turqisë (0-0).
Asnjë gol i pranuar në dy miqësoret e këtij muaji, por Luciano Spallettin e shqetëson sulmi, pasi në më shumë se 180 minuta lojë është shënuar vetëm një gol. /Telegrafi/