Siç ishte raportuar, parlamenti ukrainas ka votuar për të shkarkuar zëvendësministren e Mbrojtjes, Hanna Maliar nga posti i saj.
Në këtë drejtim, të tjerë zëvendësministra të tjerë u shkarkuan gjithashtu – vetëm dy javë pasi ish-ministri i mbrojtjes Oleksii Reznikov u zëvendësua nga Rustem Umerov.
Por pse ka pasur kaq shumë ndryshime?
Ish-oficeri britanik i inteligjencës Philip Ingram thotë: “Ndërsa asnjë arsye zyrtare përtej nevojës për një qasje të re në të gjithë ministrinë e mbrojtjes të Ukrainës nuk u dha për zëvendësimin e Reznikov, kishte zëra se ai lidhej me një qasje më të gjerë për të pastruar praktikat korruptive në të gjithë qeverinë ukrainase”.
Andaj, sipas tij, “largimi i Maliar dhe ministrave të tjerë nuk është asgjë e pazakontë”.
“Sipas Oleh Nemchinov, ministrit ukrainas të Kabinetit të Ministrave, Ligji i Ukrainës për organet ekzekutive, kërkon që ministrat vartës të hiqen kur një ministër shkarkohet”.
“Sipas mediave ukrainase, të gjithë ministrat dhanë dorëheqjen vullnetarisht dhe ‘shkarkimi’ i tyre ishte vetëm ratifikimi i nevojshëm nga kabineti ukrainas”.
“Kuptohet se ministri i ri i mbrojtjes Umerov nuk do t’i ofrojë asnjë prej ministrave të vjetër një punë dhe dëshiron një ekip krejtësisht të ri”. /Telegrafi/