Lionel Messi është kritikuar për sjelljen e tij “shumë tronditëse” pasi nuk i dha trajnerit të Paris Saint-Germain Mauricio Pochettino përditësime mbi gjendjen e tij me COVID-19.
Shtatë herë fituesi i Topit të Artë u pa duke u argëtuar në një koncert me bashkëshorten Antonela Roccuzzo në Rosario, Santa Fe, gjatë pushimeve dimërore të futbollit francez.
PSG konfirmoi javën e kaluar se Messi rezultoi pozitiv me koronavirus, por nuk dihet nëse superylli argjentinas u kontraktua me virusin në koncertin e lartpërmendur.
Argjentinasi mungoi nëfitoren 4-0 të PSG ndaj Vannes në ndeshjen e tyre në raundin e 32 në Kupën e Francës të hënën.
Sulmuesi 34-vjeçar i PSG-së është kthyer në Paris pas periudhës së tij të izolimit dhe është rikthyer në stërvitje pas shërimit.
Thuhet se Messi, i cili nënshkroi për PSG-në verën e kaluar, synon rikthimin e tij për ndeshjen e skuadrës parisiene me Lyon të dielën.
Sipas raportimeve në Francë, Pochettino u informua vetëm për testin pozitiv të COVID-19 të Messit përmes palëve të treta.
Tani, ish-anësori i PSG-së, Jerome Rothen, pranoi se ishte i tronditur që Messi nuk e kishte njoftuar Pochettinon për situatën e tij.
“Ju duhet të respektoni gjithmonë trajnerin tuaj, kjo është ajo që më mësuan në Clairefontaine”, deklaroi ai për Radio Monte Carlo .
“Trajneri duhet të jetë mbi të gjithë të tjerët, nuk ka rëndësi nëse është një yll apo një lojtar i ri – shefi duhet të jetë kreu i kohës”.
“Pochettino nuk ishte i njoftuar se ku ishte Messi, dhe kjo shpjegon shumë gjëra. Kjo nuk është një gjë e mirë dhe mendoj se është shumë tronditëse nga Messi”, ka shtuar më tej Rothen.
Messi ka bërë 16 paraqitje për PSG-në dhe ka shënuar gjashtë herë dhe ka regjistruar pesë asistime në të gjitha garat këtë sezon.
PSG aktualisht është në krye të Ligue 1 dhe mban 13 pikë epërsi ndaj Nice në garën për titull e Ligue 1. /Telegrafi/