‘France Football’ shkruan se Interi i është bashkuar garës për të nënshkruar me yllin e Ajaxit, Hakim Ziyech.
Marokeni ka rënë shumë në sy në këtë edicion të Ligës së Kampionëve.
Nerazzurët e synojnë 26-vjeçarin për sezonin e ardhshëm dhe janë të interesuar të bëjnë një ofertë për të nënshkruar me ish- lojtarin e Heerenveen.
Ziyech ishte shumë afër transferimit në Romë vitin e kaluar, por Giallorossët vendosën për Javier Pastoren që erdhi nga Paris Saint-Germain.
Marokeni i cili ka shënuar 19 herë në të gjitha garat për gjigantët holandez, i kanë mbetur dy vjet në kontratën e tij.
Ai vlerësohet rreth 35 deri në 40 milionë euro.
Ndërkohë, Liverpool, Barcelona dhe të dy klubet e Manchesterit janë të interesuar në nënshkrimin e Ziyech. /Telegrafi/