Interi thuhet se refuzoi ofertën e Manchester Cityt prej 50 milionë eurosh për mbrojtësin Alessandro Bastoni verën e kaluar dhe tani janë të gatshëm t’i ofrojnë mbrojtësit një zgjatje të kontratës.
Sipas Il Corriere dello Sport, Manchester City ofroi 50 milionë euro për të nënshkruar mbrojtësin premtues në verë, por Nerazzurrët e bënë të qartë se nuk donin ta shesin lojtarin për asnjë çmim.
Bastoni u bashkua me Nerazzurrët nga Atalanta për 31 milionë euro në 2017, por ka befasuar të gjithë me nivelin e treguar.
21-vjeçari luajti i huazuar në Parma në sezonin 2018-19 dhe u kthye në Inter në sezonin e parë të Antonio Contes në klub.
Produkti i akademisë së Atalanta tashmë ka luajtur 40 ndeshje me Nerazzurrët dhe bëri debutimin e tij për Italinë kundër Estonisë më 11 nëntor 2020.
Kontrata e Bastonit zgjat deri në vitin 2023 dhe sipas Il Corriere dello Sport, gjigantët e Serie A duan t’i ofrojnë atij një zgjatje të kontratës.
Edhe mbrojtësi italian shpreson të vazhdojë zhvillimin e tij nën drejtimin e Contes dhe thirrjen e Italisë për Euro 2021. /Telegrafi/