Ekzistojnë raporte të shumta të mediave në Itali se Interi ka paraqitur një ofertë zyrtare për të nënshkruar me mesfushorin Rafinha nga Barcelona, ofertë e cila është në huazim me opsionin e blerjes për 17 deri në 23 milionë euro.
Interi është në kërkim të emrave të rinj për të përforcuar skuadrën e tyre në janar, pasi duan të jenë deri në fund konkurrues për pozitat e para në Serie A.
Shumë emra janë lidhur me një transferim të mundshëm, ndërsa ndër më të përfolurit ishte padyshim mesfushori i Barcelonës, Rafinha.
Më parë gazeta italiane La Gazzetta dello Sport raportoi se marrëveshja do të varet vetëm nga testet mjekësore, pasi braziliani nuk ka luajtur që nga prilli i vitit 2017 për shkak të një sërë lëndimesh.
Sipas Sky Sport Italia këtë mbrëmje, një propozim zyrtar është dërguar në Barcelonë për të nënshkruar me atë në huazim pa pagesë.
Megjithatë, oferta përfshin edhe një opsion blerje për 20 milionë euro plus tre milionë eurove tjera shtesë në formë të bonuseve në bazë të paraqitjeve.
Një përgjigje përfundimtar pritet këtë mbrëmje dhe Rafinha mund të fluturojë për të nesërmen (e premte) për të përfunduar testet e tij mjekësore me klubin italian.
Nga ana tjetër, gazetari i njohur nga Sportitalia, Alfredo Pedulla pretendon se opsioni për të blerë do të ishte me vlerë prej 17-20 milionë euro. /Telegrafi/