Interi nuk pritet që të shpenzojë shumë gjatë muajit janar, por Ramires mund të transferohet muajin e ardhshëm nga Jiangsu Suning.
Nerazzurët kanë obligime të Financial Fair Play, ashtu sikurse problem për shkak të një ndalese nga qeveria kineze për investime të huaja.
Nerazurrët janë në pronësi të Suning Group, një konglomerat kinez ky, që bashkë me Milanin, i bëjnë dy klubet e qytetit të varen nga të hollat kineze.
Për shkak të politikave nga Pekini, La Gazzetta dello Sport shkruan se Interi nuk do të shpenzojë shumë në janar edhe pse ata kanë mundur të huazojnë Ramiresin nga Jiangsu Suning që po ashtu janë në pronësi të Suning Group.
Ish-ylli i Chelseat mund të arrijë muajin e ardhshëm në Itali pas përfundimit të kampionatit kinez, në mënyrë që të vlerësohet në stërvitje nga Spalletti dhe më pas të transferohet në mënyrë permanente.
Transferi mund të realizohet me kosto të ulët për shkak se të dyja klubet janë në pronësi të një pronari – Zhang Jingdong.
Interi aktualisht mban pozitën e dytë në Serie A, një pikë më pak se Napoli që ka pozitën e parë. /Telegrafi/