Inter thuhet se synon një marrëveshje të ardhshme për të nënshkruar me mesfushorin e talentuar francez të Paris Saint-Germain, Adrien Rabiot.
Sipas Calciomercato.com, drejtori teknik i Interit, Walter Sabatini u përpoq të nënshkruajë me Rabiotin për Romën tre vite më parë sa ishte pjesë e skuadrës kryeqytetase.
Sidoqoftë, në atë rast, Sabatini kishte dështuar të bindte trajnerin e atëhershëm, Rudi Garcia, për të ndërtuar skuadrën e tij Giallorosse rreth 22-vjeçarit.
Rabiot e zgjati kontratën e tij me PSG-në deri në vitin 2019, por faqja e internetit pretendon se italianët ka rindërtuar interesin e tyre për lojtarin e talentuar.
Për më tepër, ai është gjithashtu “një nga emrat më të preferuar” për bordin e Interit dhe drejtorin sportiv Piero Ausilio, ndonëse një marrëveshje mund të arrihet vetëm nëse talenti nuk rinovon me skuadrën nga Parc des Princes.
Që kjo të ndodhë, L’Equipe shpjegon se Rabiot duhet të luajë në pozitën e tij të saktë, në të majtë të mesfushës qendrore dhe se PSG duhet të nënshkruajë një mesfushor të ri me tipare mbrojtëse. /Telegrafi/