Agjenti i Frank de Boer i ka akuzuar lojtarët e Interit se nuk e dëshironin ndryshimin dhe se kjo i ka kushtuar me shkarkim.
Situatën e holandezit te Nerazzurrët, ai e ka krahazuar me Jurgen Kloppin te Liverpooli, por ka thënë se Redsat e përqafuan ndryshimin.
“Ai nisi një projekt dhe u ndërpre vetëm pas nëntë javësh. Natyrisht se nuk e ka pranuar mirë (shkarkimin), sepse kur fillon diçka, atëherë pret të shkosh përpara së bashku, të angazhohesh si grup. Nevojitet kohë për ndryshim, të gjithë e dinë se ndryshimi nga 4-4-2 në 4-3-3 kërkon kohë”.
“Një nga objektivat kryesore për Interin që ishte e qartë nga fillimi, ishte ndryshimi i stilit të lojës”, ka thënë agjenti Guido Albers për FCINter1908.it.
De Boer u shkarkua nga posti i trajnerit të zikaltërve pas 14 ndeshjeve, gjysmën e të cilave i humbi. Vendin e tij e ka zënë Stefano Pioli. /Telegrafi/