Interi thuhet se po përgatitet të aktivizojë klauzolën e lirimit të Patrik Schick, për të mposhtur konkurrencën nga Juventusi dhe skuadra e Ligës Premier.
Paraqitjet impresionuese në sezonin e parë të sulmuesit të Sampdoria në Serie A e kanë parë atë të lidhet fort me një lëvizje këtë verë, dhe Nerazzurët janë të njohur për interesimin e tyre.
Klubi ‘Blucerchiati’ dëshiron t’i japë një marrëveshje të re çekut me një klauzolë lirimi prej 40 milionë eurosh, por aktualisht mund të blihet për 25 milionë euro.
Sipas Gazzetta dello Sport, drejtori sportiv i Interit, Piero Ausilio, është i gatshëm të paguajë atë dhe po pret thjesht miratimin nga pronarët e Suning Group, përcjell Telegrafi.
Nerazzurrët po kërkojnë të përshpejtojë një marrëveshje, pasi në ditët e fundit Juventusi ka qenë gjithnjë e më i lidhur me sulmuesin e talentuar.
Të dy klubet do të huazonin Schick përsëri në Sampdoria për sezonin e ardhshëm dhe këtu asnjëra skuadër nuk dallon në ofertë.
Përveç kësaj, Gazzetta beson se Chelsea, Arsenal, Manchester United dhe Manchester City janë gjithashtu të interesuar dhe kanë dërguar skautë e tyre për të parë 21-vjeçarin.
Së fundmi, Atletico Madrid besohet të ketë qenë duke shikuar Schick, pasi Antoine Griezmann pritet të largohet këtë verë dhe Fernando Torres është 33 vjeç. /Telegrafi/