Interi është në prag të nënshkrimit të Matteo Politanon nga Sassuolo me një huazim prej shtatë milionë eurosh dhe 20 milionë euro për opsionin e blerjes, plus lojtarët e ekipit të të rinjve, Jens Odgaard dhe Andrea Adorante.
Sipas mediumit italian Sky Sport Italia, marrëveshja është arritur në thelb dhe reprezentuesi italian mund të ketë testet e tij mjekësore nesër (e shtunën).
Testet mjekësore nuk mund të bëhet para kësaj dite, sepse Politano është aktualisht në muajin e tij të mjaltit.
Nerazzurrët do të dorëzojnë shtatë milionë euro për një huazim njëvjeçar me mundësi për të blerë në fund të sezonit për një tjetër shifër prej 20 milionë eurosh.
Së bashku me atë, Sassuolo do të merrte edhe lojtarët e rinj Odgaard dhe Adorante, të cilët së bashku vlerësohen shtatë milionë euro.
Odgaard ishte gjithashtu në shënjestër nga Atalanta dhe Bologna dhe ka qenë një sensacion absolut në ekipin rinor të Inter Primaveras.
Është raportuar se Interi do të përpiqet të mbajë një klauzolë blerjeje për 19-vjeçarin danez, i cili shënoi 15 gola dhe bëri pesë asistime në 29 ndeshje konkurruese këtë sezon.
Ndryshe, ky është transferimi i pestë i Interit këtë verë, pasi më parë ka arritur marrëveshje edhe me Kwandwo Asamoah, Stefan de Vrij, Lautaro Martinez dhe Radja Nainggolan. /Telegrafi/