Telegrafi

Interi i afrohet Darmianit, Unitedi ia tregon çmimin

Mediat italiane theksojnë se Interi janë afruar me mbrojtësin italian, Matteo Darmia, por çmimi i kërkuar nga Manchester United është 25 milionë euro.

Kjo sigurisht nuk është hera e parë që Nerazzurët kanë qenë të lidhura me mbrojtësin e gjithanshëm italian.

Sipas Gazzamercato, drejtori sportiv i Interit, Piero Ausilio ka pasur takime me agjentin Giovanni Branchini për të hedhur bazat për një kalim gjatë verës.

Lexo po ashtu Darmian projekton kalimin te Interi, kërkon të blej apartament luksoz në Milano

Darmian është nën kontratë me Manchester Unitedin deri në qershor të vitit 2019, por është sugjeruar se klubi nga Old Trafford dëshiron 25 milionë euro për lirimin e tij.

27-vjeçari u largua nga Torino për në Ligën Premier në vitin 2015 për 18 milionë euro, edhe pse karriera e tij ka qenë e penguar nga problemet e lëndimit.

Këtë sezon ai bëri vetëm 18 paraqitje në mes të Ligës Premier, Ligës së Evropës, Kupës FA dhe Kupës së Ligës. /Telegrafi/