Shërbimi Sekret i Ukrainës (SBU) ka arrestuar një agjent rus për përgatitjen e dyshuar të një sulmi me raketa në Kiev.
SBU tha se i dyshuari 23-vjeçar punonte për administratën kryesore të forcave të armatosura ruse, dhe kërkoi vendndodhjen e forcave të mbrojtjes ukrainase në rajonin e Kievit, transmeton Telegrafi.
Ata shtuan se i riu ishte më i interesuar për bazat ushtarake ukrainase, por gjithashtu zbuloi informacione rreth nënstacioneve në Kiev.
Ai u arrestua në akt, ndërsa regjistronte një bazë ushtarake dhe regjistronte koordinatat e saj GPS në një hartë elektronike.
I riu i cili jeton në Odessa, ishte paguar nga shërbimi i inteligjencës ushtarake ruse, pretendon SBU.
Një laptop dhe një telefon i mençur me prova të aktiviteteve të tij anti-ukrainase, u gjetën gjatë një kontrolli në shtëpinë e tij.
Zyrtarët ukrainas thanë se i dyshuari është në paraburgim dhe përballet me burgim të përjetshëm. /Telegrafi/
