Instituti për Studimin e Luftës ka publikuar një analizë dhe hartë të re të luftës në Ukrainë.
Presidenti rus, Vladimir Putin vazhdon të refuzojë idenë e sovranitetit të Ukrainës në një mënyrë thelbësisht të papajtueshme me negociatat serioze.
Në fjalimin e tij, ai deklaroi se “garancia e vetme reale e sovranitetit të Ukrainës” mund të jetë vetëm Rusia, e cila “krijoi” Ukrainën.
Putin përsëriti se është një “fakt historik” që ukrainasit dhe rusët janë në thelb “një komb” që është ndarë gabimisht në “shtete të ndryshme”.
#Putin continues to reject Ukrainian sovereignty in a way that is incompatible with serious negotiations. His perpetuation of the narrative that #Ukraine and #Russia are a single people indicates his continued objective to destroy the Ukrainian state.https://t.co/nkQBvQuhL8 pic.twitter.com/JVMcXy8hmS
— Institute for the Study of War (@TheStudyofWar) October 28, 2022
Putin nuk heq dorë nga qëllimi i tij kryesor, raporton instituti amerikan.
Deklaratat e Putinit hedhin poshtë faktin juridik se Ukraina është një shtet plotësisht sovran dhe se populli ukrainas ekziston si një komb i veçantë.
Narrativa se Ukraina dhe Rusia janë një komb i ndarë në shtete të veçanta nga rrethana arbitrare historike tregon synimin e vazhdueshëm për të shkatërruar shtetin ukrainas dhe për të fshirë nocionin e popullit ukrainas.
Një zyrtar i lartë rus ka kërcënuar se Rusia mund të synojë satelitët komercialë perëndimorë që ndihmojnë Ukrainën.
Zëvendësdrejtori i Departamentit të Kontrollit të Armëve të Ministrisë së Jashtme ruse, Konstantin Vorontsov, u tha Kombeve të Bashkuara se Shtetet e Bashkuara dhe aleatët e saj po përpiqen të përdorin hapësirën për të “imponuar dominimin perëndimor” dhe se “infrastruktura pothuajse civile mund të jetë një objektiv legjitim për hakmarrje”.
Reuters raportoi se zëdhënësi i Këshillit të Sigurisë Kombëtare të SHBA, John Kirby tha se Shtetet e Bashkuara do t’i përgjigjen çdo sulmi në infrastrukturën amerikane. /Telegrafi/