Inspektorët nga Agjencia Ndërkombëtare e Energjisë Bërthamore e njohur ndryshe si IAEA, janë filmuar pak çaste pasi kishin arritur në centralin bërthamor Zaporizhzhia të Ukrainës.
Kryetari i kësaj komune ka thënë se me ardhjen e tyre, është bërë pothuajse e pamundur kryerja e inspektimit në këtë central bërthamor si pasojë e bombardimeve ruse.
Megjithatë deri më tani nuk raportohet për të viktima apo të lënduar, por kërkesa për inspektimin e centralit më të madh bërthamor në Evropë, ishte kërkesë e pothuajse çdo lideri perëndimorë.
Bombardimet e shpeshta përreth dhe në Zaporizhzhia, kanë rritur frikën se mund të vie deri te një katastrofë tjetër bërthamore.
E të dyja palët, ajo ukrainase dhe ruse kanë akuzuar vazhdimisht njëra-tjetrën për këto sulme. Madje imazhe të shumta satelitore kanë dëshmuar se ka pasur bombardime atje.
Ushtria e Vladimir Putinit ka dërguar armë të rënda në Zaporizhzhia duke e shfrytëzuar si mburojë, e ky veprim po shihet si shantazh. /Telegrafi/
IAEA inspectors have just rolled out of Zaporizhzhia, on their way to the Russian occupied Zaporizhzhia nuclear ☢️ power plant. pic.twitter.com/tjdOPI5HcO
— Sergio Olmos (@MrOlmos) September 1, 2022