Një incident ka ndodhur në zonën e Bjeshkës së Lumëbardhit-Levoshë, ku një qytetar kosovar është plagosur aksidentalisht duke shtënë me armë zjarri.
Sipas policisë i dyshuari, pas trajtimit fillestar në Spitalin Rajonal të Pejës, është transferuar në QKUK për trajtim të mëtejshëm, pasi ka qëlluar veten në dorë nga pakujdesia.
“Më 02.10.2024, rreth orës 17:20, Stacioni Policor në Pejë është njoftuar se në Spitalin Rajonal në Pejë një person ka kërkuar ndihmë mjekësore. Njësitet relevante i janë përgjigjur thirrjes dhe aty nga i dyshuari i cili deklaron se deri sa ishte me dëshmitarin e rastit në fshatin Levoshё-Pejё, ku kishin shkuar për shëtitje, i dyshuari ishte duke shtënë me armë, i njëjti është rrëzuar, arma i kishte shkrep dhe është lënduar”, thuhet në njoftimin shtesë të Policisë së Kosovës.
Nga i dyshuari më pas është sekuestruar: një armë pistoletë FXS cal:9x19mm, dy karikatorë të së njëjtës armë, 17 fishekë cal: 9mm.
Pas intervistimit nga hetuesit, me vendim të Prokurorit të shtetit i dyshuari është liruar. /Telegrafi/