Dafina Zeqiri admirohet jo vetëm për realizimet muzikore që i sjell për fansat e saj, por edhe për dukjen.
Këngëtarja është kujdesur vazhdimisht që të vijë e freskët dhe ka guxuar të eksperimentojë me pamjen e saj.
Ndërkohë që ndodhet për pushime në Turqi, ajo i ka shpërndarë disa imazhe në Instagram, ku ndiqet nga më shumë se 1.6 milion fansa.
Paraqitjet me bikini të zeza kanë marrë dhjetëra mijëra pëlqime nga ndjekësit e Dafinës, vetëm disa minuta pas publikimit.
“99 probleme, mirëpo plazhi nuk është një prej tyre”, është përshkrimi që ka zgjedhur këngëtarja për këtë postim.
Ndryshe, Dafina ka qenë aktive në realizimin e këngëve të reja. Më 20 maj, ajo publikoi klipin e këngës “Japa” që është pritur shumë mirë, kurse para një jave solli ribërjen e “Pa ty” në bashkëpunim me Cricket. /Telegrafi/
