Rita Ora vazhdon të jetë një prej këngëtareve më të kërkuara në industrinë e muzikës botërore, ndërkohë që orari i koncerteve të saj është i stërngarkuar.
Këngëtarja nga Kosova i ka informuar fansat e saj se do të mbajë një turne koncertesh në shtetet e Amerikës Jugore në muajt e parë të vitit 2020.
“Kush do të vijë të më shohë vitin e ardhshëm në Amerikën Jugore? Mezi pres të kthehem në mars”, ka shkruar këngëtarja në përshkrim.
Rita është angazhuar edhe në filmin britanik, “Twist”, i cili është i bazuar në romanin e Charles Dickens, “Oliver Twist”.
Krahas, 28-vjeçares, rolet kryesore në këtë film i luajnë emrat, si Raff Law, Michael Caine, Lena Headey, Franz Drameh, Sophie Simnett e David Walliams. /Telegrafi/
